Dichtersbankje | Hans Keuper

Foto: © Bert Bevers | Station Kievit | Antwerpen

Uit de collectie Mellendijk (keuze dichter en gedicht): Hans Keuper

Goeindag mien deern bun i-j nog vri-j
Mien naam is Beernd van Kuperi-j
Ik heb ne mooie boerderi-j
Den’s ok van ow a’j trouwt met mi-j
Ik heb good melk op al miene grond
Der is veur twee plaatse zat
‘k Heb viefteg beeste en een hond
Mien va en moo woont ampart
A’j bi-j mien komt geef ik mien lief
Geef ik mien hart

Ik zag ow aover straote gaon
I-j kwamen kort an mi-j veurbi-j
Mag ik wal efkes bi-j ow staon
Mien naam is Beernd van Kuperi-j
Ik heb ow hier nog nooit ezeen
I-j komt hier zeker neet vandan
Ik veule mi-j mangs zo alleen
Gin deerntjen wög ‘t met mi-j an
Ik doo veur ow a’j bi-j mie komt
Al wat ik kan

In ‘t veurjaor gao’w dan langs den es
Wi-loopt daor samen hand in hand
En bi-j de bekke in ‘t grös
Vleegt onze lieve in de brand
De kalvere stoeft haost deur den draod
De kieften reert hoog an de loch
Ik wette met mi-jzelf gin raod
Ik heb zolang hiernao ezocht
Ik kriege van ow jo neet genog
Nee nooit genog

Goeindag mien deern bun i-j vri-j
Mien naam is Beernd van Kuperi-j

[kiefte = kievit]